एम्प्लॉयमेंट न्यूज : सर्वोत्तम

देशभरातील युवकांना रोजगारविषयक माहिती उपलब्ध करून देणा-या सरकारच्या एम्प्लॉयमेंट न्यूज या वेबसाइटला रोज तीन लाख हिट्स मिळतात. सरकारी वेबसाइटमध्ये सर्वाधिक यशस्वी वेबसाइट असल्याची माहिती अर्थसंकल्पीय कागदपत्रात नमूद करण्यात आली आहे.

देशभरात विविध क्षेत्रांत उपलब्ध असलेल्या नोकरीच्या संधींविषयी माहिती, करिअरविषयक सल्ला, ई-मेल अलर्ट, देशातील महत्त्वाच्या परीक्षांची वेळापत्रकं या वेबसाइटवर दिली जातात. डिसेंबर २००९ पर्यंत या वेबसाइटने पाच लाख ५६८ रुपये एवढं उत्पन्न मिळवलं आहे.

मराठी वेबसाइट्स स्पर्धा

मराठी वेबसाइट्सना प्रोत्साहन देण्यासाठी राज्य सरकारने मराठी भाषेतील वेबसाइटसाठी खुली स्पर्धा आयोजित केल्याची माहिती या पूर्वी आम्ही दिली होती. या स्पर्धेत सहभागी होण्यासाठीच्या मुदतीमध्ये वाढ करण्यात आली असून स्पर्धक आता 26 मार्चपर्यंत आपला सहभाग नोंदवू शकतात.

ही स्पर्धा शासकीय आणि अशासकीय वेबसाइट अशा दोन गटांमध्ये घेण्यात येणार आहे. यासाठी ऑनलाइन प्रवेशपत्रिका राज्य सरकारच्या www.maharashtra.gov.in अधिकृत वेबसाइटवर तसंच rmvs.maharashtra.gov.in, www.cdacmumbai.in, bosslinux.in/support-centres/mumbai या वेबसाइटवरसुद्धा उपलब्ध आहेत.