नेट अपडेट- दोन अब्ज व्ह्युवर्स

व्हिडिओ शेअरिंगसाठी सर्वाधिक प्रसिद्ध असणा-या यू टय़ूबने आपला पाचवा वाढदिवस नुकताच साजरा केला. यू टय़ूबच्या ब्लॉगवर प्रसिद्ध झालेल्या माहितीनुसार यू टय़ूबला दररोज दोन अब्ज लोक भेट देतात. यू टय़ूबची कमाई आहे वर्षाला एक अब्ज.

ब्रॉडकास्ट युवरसेल्फ म्हणणा-या यू टय़ूबवर 23 एप्रिल 2005 रोजी पहिला व्हिडिओ अपलोड करण्यात आला. त्यानंतर पाच वर्षाच्या आतच व्हिडिओ शेअरिंग वेबसाइटच्या यादीत यू ट्यूबने पहिला क्रमांक पटकावला. जगभरात सर्वाधिक पाहिल्या जाणा-या वेबसाइटच्या यादीमध्ये यू टय़ूबचा तिसरा क्रमांक लागतो.

यू टय़ूबने पाच वर्ष पूर्ण केल्यानंतर एक विशेष व्हिडिओ तयार केला. हा व्हिडिओ पाहण्यासाठीची लिंक - http://www.youtube.com/user/FiveYear