नेट अपडेट- पाकिस्ताननंतर आता बांगलादेशातही फेसबुकवर बंदी

प्रेषित मोहम्मद पैगंबराच्या व्यंगचित्रांची स्पर्धा घेतल्याच्या निषेधार्थ बांगलादेशात फेसबुकवर बंदी घालण्यात आली आहे.फेसबुकवर देशातील अनेक नेत्यांची निंदा करणारी छायाचित्र प्रसिद्ध झाल्याचे कारणही या बंदी मागे असल्याचे सांगितले जाते.

बांगलादेशमध्ये दहा लाख लोक इंटरनेटचा वापर करतात. या संदर्भात अधिकृत घोषणा केली नसली तरी बांगलादेशच्या दूरसंचार नियामक आयोगाच्या अधिका-याच्या हवाल्याने हे वृत्त प्रसिद्ध झाले आहे. मार्च महिन्यात बांगलादेशने यू ट्यूबवर बंदी घातली होती.