सर्च देके ब्लेको

सर्च इंजीनमध्ये आघाडीवर असलेल्या गुगलला टक्कर देण्यासाठी ब्लेको (Blekko.com) हे नवे सर्च इंजीन सुरु झाले आहे.

गुगलवर सर्च करताना अनेकवेळा अनावश्यक वेबसाइट सर्चमध्ये वरच्या क्रमांकावर दिसतात. गुगलच्या युजर्सकडून अशा तक्रारीही येत आहेत. नेमक्या याच गोष्टीमध्ये ब्लेकोने सुधारली आहे. ब्लेकोमध्ये युजर्सना अधिकृत तसेच अधिक सुसंगत वेबसाईटचे रिझर्ल्ट मिळणार आहेत. तुम्ही सर्च करत असलेल्या विषयाशी संबंधीत मात्र अनावश्यक वेबसाईट वगळण्याची यंत्रणा यामध्ये आहे. तसेच सर्चच्या संबंधी मात्र कमी महत्त्वाच्या आणि नकोशा spam साइट यामध्ये दिसणार नाहीत. यासाठी ब्लेकोने slashtags screening technology चा वापर केला आहे.

ब्लेकोवर सध्या तीन अब्ज अधिकृत वेबसाइटची नोदणी आहे. यामधूनच यूजर्सनी सर्च केलेल्या विषयासंर्भातील बेवसाइटची यादी अथवा माहिती दाखवली जाते.
ब्लेकोवर वेबसाइटच्या रॅकिंगच्या बाबतीत पारदर्शकता ठेवण्यात आली आहे. अन्य सर्च इंजिनमध्ये एखाद्या वेबसाइटचे रॅकिंग गुप्त ठेवले जाते. मात्र ब्लेकोवर ही माहिती सर्वासांठी खुली आहे. एखाद्या वेबसाइटचे रॅकिंग पहायचे असेल तर संबंधित बेवसाइटचा पत्ता लिहून/seo लिहावे.

ब्लेको गुगल सारख्या प्रस्थापीत सर्च इंजीनला तसेच गुगल, बिंग या सर्च इंजीनना टक्कर देईल का नाही. हे इतक्यात सांगता येणार नाही. मात्र अन्य सर्च इंजीनवर ज्या गोष्टी करता येणार नाहीत. त्या ब्लेकोवर करता येईल असा दावा यांच्या निर्मात्यांनी केला आहे.
ब्लेको अन्य वैशिष्टे पाहण्यासाठी सर्च करुन पहायला हरकत नाही.

अ‍ॅप्लिकेशन्स एका क्लिकवर

संगणकाची अ‍ॅप्लिकेशन डाऊनलोड करायची म्हणजे खूप वेळकाढू काम असतं. आणि प्रत्येक अ‍ॅप्लिकेशन किंवा सॉफ्टवेअर एकाच ठिकाणी मिळत नाही. त्याची शोधाशोधही करावी लागते. अशा वेळी एका क्लिकमधून ही अ‍ॅप्लिकेशन डाऊनलोड करता आली तर किती बरं होईल. अशा काही वेबसाइट्स आहेत ज्यांच्यावरून तुम्ही अ‍ॅप्लिकेशन्स डाउनलोड करून घेऊ शकता.

नवा संगणक घेतला की त्यामध्ये अनेक महत्त्वाची अ‍ॅप्लिकेशन आवश्यक असतात. उदा- Google chrom, firefox, antivirus programs, firewall, Google Talk, Skype, FileZilla, Adobe Reader, Flash plugin, Open office, Silverlight, Adobe AIR आदी. मात्र हे किंवा अन्य अ‍ॅप्लिकेशन डाऊनलोड करून घ्यायचे असतील तर प्रत्येक अ‍ॅप्लिकेशन स्वतंत्रपणे डाऊनलोड करून घ्यावं लागतं. कधी कधी संगणक अथवा लॅपटॉप format करताना आधी असलेली सगळी अ‍ॅप्लिकेशन्स पुन्हा डाऊनलोड करावी लागतात. मात्र ही सर्व अ‍ॅप्लिकेशन एका क्लिकवर डाऊनलोड करता आली तर वेळही वाचेलच त्याचबरोबर अ‍ॅप्लिकेशनची शोधाशोधही करावी लागणार नाही.

तुमच्या नव्या संगणकासाठी लागणारी सर्व आवश्यक अ‍ॅप्लिकेशन्स http://allmyapps.com या

वेबसाइटवर एकत्रितपणे देण्यात आली आहेत. आणि ही अ‍ॅप्लिकेसन्स एकाच वेळी डाऊनलोडही करता येतात. या वेबसाइटवर अ‍ॅप्लिकेशन डाऊनलोड करण्यासाठी एक

registration देण्यात आला आहे. त्याद्वारे तुम्ही अ‍ॅप्लिकेशन डाऊनलोड करू शकता. मात्र यासाठी या साइटवर registration करावं लागतं. अर्थात, ते मोफत आहे.

यातही तुमची सोय बघितली गेली आहे. प्रत्येक संगणकाची ऑपरेटिंग सिस्टीम वेगळी असते. कोणतंही अ‍ॅप्लिकेशन डाऊनलोड करताना सिस्टीम बघणं महत्त्वाचं असतं. या वेबसाइटवरून अ‍ॅप्लिकेशन डाऊनलोड करताना तुमच्या संगणकातील ऑपरेटिंग सिस्टम कोणती आहे त्यानुसार ही अ‍ॅप्लिकेशन डाऊनलोड करू शकता. या साइटवर Graphics, Video, Audio, Science,Games, System, educati

on Accessibility, web, Communication, Security, Utilities, office, Imaging, File sharing, Development

अशी विभागानुसार अ‍ॅप्लिकेशनची यादी देण्यात आली आहे. तुमच्या गरजेनुसार तुम्ही हवी ती अ‍ॅप्लिकेशन डाऊनलोड करू शकता.

अगदी नवीन संगणकातही तुम्हाला हवी असलेली अ‍ॅप्लिकेशन्स तुम्ही या साइटवरून डाऊनलोड करू शकतात.

वरील साइटप्रमाणेच http://ninite.com हीदेखील अशाच स्वरूपाची साइट आहे. फरक इतकाच की, या साइटवर तुम्हाला साइन-अप अथवा registration करावं लागत नाही. मात्र यावर केवळ विंडोजमध्येच चालणारी अ‍ॅप्लिकेशन्स दिली आहेत.

फोल्डरची वर्गवारी

संगणकातील एकूण जागेपैकी कोणत्या ड्राइव्हने, कोणत्या फोल्डरने किती जागा वापरली आहे? याचं एकत्रितपणे विश्लेषण बघण्याची सोय नाही. पण असं झालं तर कित्येक जणांचा वेळ यामुळे वाचेल यात शंका नाही. इंटरनेटवर उपलब्ध काही सॉफ्टवेअरद्वारे हे विश्लेषण मोफत होऊ शकते. अशाच काही सॉफ्टवेअरची माहिती

संगणकावर आपल्याला हवी तेवढी फोल्डर करण्याची सोय असल्यामुळे आपण लहान लहान गोष्टींसाठी, गरज असो वा नसो फोल्डर आणि कित्येक फाइल्स तयार करतो. पण यामुळे संगणकामध्ये फोल्डरची गर्दी होते. या फोल्डरच्या गर्दीमुळे संगणकातील बरीच जागा व्यापली जाते. अशा वेळी कॉम्प्युटर हँग होतो, तेव्हा संगणकातील जागा कमी करण्याची वेळ येते. म्हणूनच फोल्डर करताना किंवा त्यांची व्यवस्थित वर्गवारी करताना कोणत्या फोल्डरने संगणकातील किती जागा व्यापली आहे, हे पाहणं आवश्यक असतं. मात्र याचं एकत्रित विश्लेषण करण्याची सोय विंडोच्या कोणत्याही आवृत्तीत नाही. हे पाहण्यासाठी प्रत्येक फोल्डर ओपन करून properties ¸मध्ये जावं लागतं. यामध्ये आपला बराचसा वेळ वाया जातो. हा वेळ वाचवायचा असेल तर इंटरनेटवर काही मोफत सॉफ्टवेअर उपलब्ध आहेत. अशाच काही सॉफ्टवेअरची माहिती पुढे दिली आहे.

Disk Space Fan - या सॉफ्टवेअरद्वारे तुम्ही संगणकातील जागेच्या वापराचं विश्लेषण एकत्रितपणे जाणून घेऊ शकता. ही माहिती pictorial diagram ¸म्हणजेच चित्रांच्या स्वरूपात मिळते. hard disk ¸मधील एकूण जागेचा कसा वापर झाला आहे. तसंच प्रत्येक फोल्डरमधील आणि त्यातील सब-फोल्डरने किती जागा व्यापली आहे, हे सहजसोप्या स्वरूपात समजतं. या सॉफ्टवेअरमध्ये एक सर्च मारलात की तुम्हाला प्रत्येक फोल्डरच्या जागेची माहिती कळेल. इतकंच नव्हे, तर संगणकातील ऑडिओ, व्हिडिओ, इमेज, वर्ड फाइल्स अशा प्रत्येक फाइलचं स्वतंत्रपणे विश्लेषण करू शकता.

हे सॉफ्टवेअर डाऊनलोड करण्यासाठी येथे क्लिक करा.



Folder Size Freeware - संगणकातील जागेचा वापर आणि त्याच्या विश्लेषणाठी वापरण्यात येणारं हे एक उत्तम सॉफ्टवेअर आहे. याद्वारे तुम्ही hard disk मधील प्रत्येक फोल्डरची त्याच्या तपशिलासह माहिती मिळवू शकता. या सॉफ्टवेअरमधील अन्य पर्यायांद्वारे संगणकामधील जागेचं विश्लेषण तुम्ही pie chart, Bar chart Afd¯f animated chart स्वरूपात पाहू शकता. संगणकातील प्रत्येक drive मधील, प्रत्येक फोल्डर, सब-फोल्डर आणि त्यातील फाइल्स यांची टक्केवारीसह विश्लेषण पाहण्याची सोय या सॉफ्टवेअरद्वारे आहे.

Folder Size Freeware सॉफ्टवेअर डाऊनलोड करण्यासाठी येथे क्लिक करा.

Folder Size for Windows XP- संगणकातील जागेचं विश्लेषण करणारं, हे सॉफ्टवेअर केवळ विंडो एक्सपीसाठी वापरू शकता. विंडो विस्टा, विंडो 7 मधील explorerच्या स्वरूपात आणि विंडो एक्सपीमधील explorerच्या स्वरूपात खूप फरक आहे. म्हणूनच हे सॉफ्टवेअर केवळ एक्सपीसाठी वापरता येतं. वरील दोन सॉफ्टवेअरप्रमाणे यामध्ये ही तुम्ही संगणकातील जागेचं विश्लेषण योग्य प्रकारे करू शकता. हे सॉफ्टवेअर डाऊनलोड करण्यासाठी येथे क्लिक करा.

अपटुडेट मुंबई

देशाची आर्थिक राजधानी असलेल्यामुंबईची माहिती देणा-या अनेकवेबसाइट्स आहेत. मात्र त्यावेबसाइट्सवरून कधी कधीकोप-यातले स्थानिक संदर्भ शोधणंकठीण जातं. मुंबईतील अशा अनेककानाकोप-यांतील स्थानिकसंदर्भाची माहिती आता यावेबसाइटद्वारे तुम्हाला घरबसल्या कळणार आहे.

सर्वसाधारणपणे मुंबईमधील प्रसिद्ध अशा किती तरी गोष्टींची माहिती इंटरनेटवर सहज उपलब्ध आहे. मात्र त्या पलीकडे अनेक महत्त्वाचेबारीकसारीक संदर्भ हवे असतीलतर मात्र इंटरनेटवर बरंच सर्च करावं लागतं. मुंबईत राहणा-यातसंच मुंबईत नव्याने येणा-यालोकांसाठी उपयुक्त अशी वेबसाइट म्हणजे www.topmumbai.com होय.

मुंबईत सर्वाधिक इंटरनेटचा वापर केला जातो. त्यामुळे अनेक व्यवहारही इंटरनेटच्या माध्यमातून होतात. मुंबईतील प्रत्येक महत्त्वाच्या संघटना अथवा सेवा देणा-या सार्वजिनक संस्था यांची स्वतंत्र वेबसाइट आहे. मात्र इंटरनेट वापरणा-या प्रत्येकाला या वेबसाइटची माहिती असतेच असं नाही. अशा वेबसाइट शोधायच्या म्हटल्या तरी प्रत्येक वेळी गुगल सर्चची मदत घ्यावी लागते. त्यातून आपल्याला हवी असलेली वेबसाइट शोधावी लागते. www.topmumbai.com बेवसाइटमधील important contactया विभागात मुंबईकरांच्या गरजेच्या सर्व महत्त्वाच्या बेवसाइट्सची लिंक एकाच ठिकाणी देण्यात आली आहे. यामध्ये केंद्र आणि राज्य सरकारशी संबंधित वेबसाइट, कायदा आणि सुरक्षा व्यवस्थेशी संबंधित यंत्रणा, मुंबईतील व्यापार आणि उद्योग जगताच्या संदर्भातील संघटना, इतर काही महत्त्वाच्या माध्यम संस्था, आरोग्य, शिक्षण, हवामान आदी क्षेत्रांतील महत्त्वाच्या वेबसाइटची थेट लिंकही या ठिकाणी देण्यात आली आहे. या लिंकवर क्लिक केल्यावर तुम्ही थेट त्या संबंधित वेबसाइटवर पोहोचता.

इतकंच नव्हे; तर मुंबईतील विभागानुसार असलेले तज्ज्ञ डॉक्टर आणि त्यांच्या रुग्णालयांचे पत्तेही या ठिकाणी देण्यात आले आहेत. त्याच बरोबर मुंबतील ट्रॅव्हल एजंट, हॉटेल, रु ग्णालये, आयटी कंपन्या, विविध उद्योगांपासून ते महानगरपालिकेतील सर्व नगरसेवकांची यादी त्यांच्या मोबाइल क्रमांकासह या ठिकाणी देण्यात आली आहे. मुंबईतील चित्रपटगृहं, शाळा, महाविद्यालयं, सामाजिक संस्था, सुपर मार्केट आणि मॉलचे पत्तेदेखील या वेबसाइटवर उपलब्ध आहेत.

या वेबसाइटच्या निर्मात्यांनी मुंबईकरांसाठी अनेक महत्त्वाचे संदर्भ एका क्लिकवर उपलब्ध करून दिले आहेत. त्यामुळे महामुंबईच्या एवढ्या मोठ्या पसा-यात अनेक महत्त्वाचे स्थानिक संदर्भही topmumbai वर अगदी कमीत कमी वेळात सापडतात. याशिवाय मुंबईविषयी माहिती, बातम्या, महत्त्वाच्या विषयावरील लेख या वेबसाइटवर आहेत. सगळ्यात महत्त्वाचं म्हणजे मुंबईत उपलब्ध रोजगाराच्या संधीविषयक माहितीही या ठिकाणी उपलब्ध आहे.

मुंबईतील सर्व इत्थंभूत माहितीइतक्या सहज आणि पटकनउपलब्ध करून दिल्यामुळेच हीवेबसाइट ख-या अर्थाने टॉप ठरलीआहे. केवळ मुंबईत राहणा-या नाहीतर मुंबईच्या बाहेरील नेटकरासाठीमुंबईतील अनेक स्थानिक संदर्भमाहिती करून घेण्यासाठी हीवेबसाइट नक्कीच उपयोगी आहे. या वेबसाइटला भेट दिल्यानंतर तीतुमच्या बुकमार्कमध्ये नक्कीच समाविष्ट होईल.

पुस्तक वाचा, पुस्तक ऐका

‘स्मार्ट क्लिक’च्या मागील भागात ऑनलाइन दुर्मिळ पुस्तकांच्या वेबसाइटची माहिती आपण घेतली. इंटरनेटवर ही पुस्तकं मोफत वाचता येतात तशी ऐकताही येतात. अशा काही वेबसाइट्स इंग्रजीप्रमाणेच मराठीतही उपलब्ध आहेत. त्याविषयी..

आपल्या धकाधकीच्या दैनंदिनीत स्वत:साठी वेळ काढणं तसं कठीणच असतं. त्यात दिवसभराच्या व्यस्त वेळापत्रकामुळे पुस्तकं वाचण्याची इच्छा असूनही अनेकांची वाचनाची इच्छा अपूर्णच राहते. मात्र काही पुस्तक वाचण्याची सवय (एका ठिकाणी निवांतपणे बसून) नसल्यामुळे वेळ मिळत नसल्याने किंवा हवा तसा निवांतपणा न मिळाल्याने वाचनाच्या आनंदावर पाणी सोडावं लागतं. अशा मंडळीसाठी ऑनलाइन आणि ऑफलाइन पुस्तक ऐकण्याची सोय देणा-या इंटरनेटवरील वेबसाइट्स पर्वणी ठरल्या आहेत. इंग्रजी भाषेमध्ये अनेक पुस्तकं ऑडिओ स्वरूपात उपलब्ध आहेतच. पण आता मराठीमध्येही असे प्रयोग छोट्या प्रमाणात सुरू झाले आहेत.

www.booksshouldbefree.com ही पुस्तकं ऐकण्यासाठी इंग्रजीतील एक उत्तम वेबसाइट आहे. या वेबसाइटवर 48 विभागात पुस्तकांचं वर्गीकरण केलेलं आहे. त्यात जगभरातील 25 भाषांतील पुस्तकं उपलब्ध आहेत. या वेबसाइटवरील पुस्तकं एमपी थ्री, आय टय़ूब्ज स्वरूपात डाऊनलोड करून घेता येतात. या वेबसाइटवरील वाचनासाठी म्हणजेच ऐकण्यासाठी उपलब्ध असलेल्या पुस्तकांविषयी थोडक्यात माहितीही देण्यात आली आहे. विशेष म्हणजे त्यासाठी लॉग-इन करण्याची आवश्यकता नाही.

आज तंत्रज्ञानातील प्रगतीचा वेग पाहता भविष्यात पुस्तकं वाचण्याऐवजी ऐकली जाण्याचीच शक्यता जास्त आहे. त्याचप्रमाणे एका ठिकाणी बसून पुस्तकं वाचणं ज्यांना शक्य नसतं त्यांच्यासाठी तर ही वेबसाइट फारच उपयुक्त आहे. मात्र इथे सध्या मराठी पुस्तकं उपलब्ध नाहीत.

मराठी पुस्तक ऐकण्यासाठी boltipustake.blogspot.com ब्लॉगवर आपल्याला क्लिक करावं लागेल. या ब्लॉगवरून मराठीतील काही जुनी पुस्तकं एमपी-थ्री स्वरूपात डाऊनलोड करता येतात. त्यासाठी कोणत्याही लॉग-इनची आवश्यकता नाही. साने गुरुजी यांच्या ‘अनमोल गोष्टी’ व ‘श्यामची आई’ या दोन पुस्तकांसह ‘आगरकर दर्शन’ आणि ‘लोकहितवादींची शतपत्रं’ ही पुस्तकं सध्या या ब्लॉगवर उपलब्ध आहेत. शिवाय या ब्लॉगवर तुम्ही स्वत:च्या आवाजात पुस्तक वाचून पाठवू शकता. त्यासाठी लागणारं सॉफ्टवेअर मोफत मिळवण्याची माहितीही इथे देण्यात आली आहे.

विशेष म्हणजे आज मराठीतील जवळपास सर्व प्रकाशन संस्थांची स्वतंत्र वेबसाइट आहे. या वेबसाइटवरून आपण पुस्तकं विकत घेऊ शकतो. याशिवाय www.rasik.com आणि www.marathisahitya.com यांसारख्या वेबसाइट्सवरही मराठी पुस्तकं उपलब्ध आहेत. त्यावरूनही पुस्तकं विकत घेता येतात. केवळ सह्याद्री पर्वतरांगांशी निगडित पुस्तकं विकत घेण्यासाठी www.sahyadribooks.org ही वेबसाइट उपयुक्त आहे. या वेबसाइटवरील पुस्तकं तर सवलतीच्या दरात उपलब्ध आहेत. कादंबरी वाचनाची आवड असणा-यांसाठी www.marathinovels.net ही खास वेबसाइट उपलब्ध आहे. अर्थात हा एक ब्लॉग असून इथे अनेक कादंब-या ऑनलाइन वाचण्याची सोय आहे.

पण मराठी मासिकं आणि पुस्तकं फुकटात वाचायची असतील तर ebooks.netbhet.com ही वेबसाइट परफेक्ट आहे. या वेबसाइटवर मराठीमधील अनेक मासिकं आणि पुस्तकं डाऊनलोड करून घेता येतात. ही वेबसाइट केवळ मराठी पुस्तकांपुरती मर्यादित नसून अनेक महत्त्वाच्या लिंकही त्यावर पाहायला मिळतात. मराठी इंटरनेट विश्वाबद्दल अधिक रस असलेल्या नेटकरांनी हे क्लिक जरूर करायला हवेत.

दुर्मीळ खजिना ऑनलाइन

दुर्मीळ पुस्तकं मिळवण्यासाठी आता ग्रंथालयाची वाट धरण्याची आवश्यकता नाही. कारण मराठीसह संस्कृत, इंग्रजी, बंगाली, हिंदी, कन्नड, तामिळ, तेलगू, उर्दू या नऊ भारतीय भाषांतील जुनी आणि दुर्मीळ पुस्तकं केंद्र सरकारने डिजिटल लायब्ररी स्वरूपात ऑनलाइन उपलब्ध केली आहेत.

आजच्या युगात रोज घडणा-या घटनांची तपशीलवार माहिती छायाचित्रं आणि व्हिडिओसह इंटरनेटवर लगेचच सहज उपलब्ध होत असते. तरीही काही वर्षापूर्वीचे जुने संदर्भ मिळवण्यासाठी कित्येकदा बराच सर्च करावा लागतो. इंटरनेटच्या युगात सर्व गोष्टी वेबसाइटवर उपलब्ध आहेत. अगदी सर्व प्रकारच्या खरेदीची सोयही नेटवर उपलब्ध आहे. त्यात पुस्तकांचाही समावेश होतो. इंटरनेटवरून पुस्तक विकत घेण्याबरोबर ती वाचण्याची सोयही उपलब्ध आहे, मात्र त्यासाठी पैसे मोजण्याची तयारी हवी.

बाजारपेठेत आलेली नवी पुस्तकं इंटरनेटवर सहजरीत्या उपलब्ध आहेत. मात्र जुनी आणि दुर्मीळ पुस्तकं वाचायची असतील किंवा त्यामधील काही संदर्भ हवे असतील तर मात्र काही मोजक्या शहरातील मोठ्या ग्रंथालयात जाण्याशिवाय पर्याय नसतो. अशी जुनी आणि दुर्मीळ पुस्तकं संदर्भासाठी पटकन मिळाली तर अभ्यासक आणि साहित्यप्रेमींना याचा मोठा उपयोग होऊ शकतो. या दुर्मीळ पुस्तकांचं जतन करणं ही ब-यापैकी कठीण आणि खर्चिक गोष्ट असते. पण प्रत्येकालाच हे शक्य होईलच असं नाही. अशी दुर्मीळ पुस्तकं मिळवण्यासाठी आता ग्रंथालयाची वाट धरण्याची आवश्यकता नाही. कारण मराठीसह संस्कृत, इंग्रजी, बंगाली, हिंदी, कन्नड, तामिळ, तेलगू, उर्दू या नऊ भारतीय भाषांतील जुनी आणि दुर्मीळ पुस्तकं ऑनलाइन उपलब्ध आहेत. केंद्र सरकारने ही पुस्तकं डिजिटल लायब्ररी स्वरूपात उपलब्ध केली आहेत.

या वेबसाइटवर मराठीतील तब्बल एक हजार सात जुनी आणि दुर्मीळ पुस्तकं (सुमारे दोन लाख 86 हजार 265 पानं) उपलब्ध आहेत.

देशातील महत्त्वाच्या विद्यापीठांतील पुस्तकंही या डिजिटल लायब्ररीमध्ये उपलब्ध आहेत. महाराष्ट्रातील पुणे विद्यापीठ, मुंबईतील गव्हर्मेट सेंट्रल प्रेस आणि मुलुंड येथील डिजिटल लायब्ररीची पुस्तकं इथे उपलब्ध आहेत. इतकंच नव्हे; तर राष्ट्रपती भवनाच्या ग्रंथालयातील जवळ जवळ पाच हजार पुस्तकं या वेबसाइटवर वाचनासाठी उपलब्ध आहेत. या वेबसाइटवरील पुस्तकांचा शोध पुस्तकांच्या तसेच लेखकांच्या नावानुसार, प्रकाशन वर्षानुसार त्याचप्रमाणे विद्यापीठाच्या नावानुसार घेता येतो.

देशातील तब्बल एक लाख 78 हजार 376 जुन्या आणि दुर्मीळ पुस्तकांचा (6,05,57,257 पानं) मोफत खजिना या वेबसाइटवर उपलब्ध आहे.

पुस्तकांबरोबरच नियतकालिकं, स्टॅटिस्टिकल रिपोर्ट्स या वेबसाइटवर उपलब्ध आहेत. याखेरीज या वेबसाइटवर अनेक महत्त्वाच्या लिंकही उपलब्ध आहेत. त्यावर क्लिक करून आणखी नव्या खजिन्यांचा आनंद लुटणं शक्य आहे.

तेव्हा पुस्तकांचा हा खजिना मिळवण्यासाठी लॉग ऑन करा- http://www.new.dli.ernet.in

विकिपिडियाचा भारतीय अवतार ‘क्रीओ’

इंटरनेटवरील कोणत्याही सर्च इंजिनवर माहिती शोधणं म्हणजे महाकठीण काम असतं. कारण दररोज हजारो पानांची माहिती तयार होत असते. ज्यावेळी आपण एखादी माहिती शोधण्याचा प्रयत्न करतो त्यावेळी माहितीचा प्रचंड साठा आपल्यासमोर येत असतो. समोर आलेल्या माहितीपैकी नेमकी कोणती माहिती आपल्या उपयोगाची आहे हे शोधण्यात आपला बराचसा वेळ जातो. मात्र आता ‘क्रीओ.कॉम’ मुळे हा वेळदेखील वाचणार आहे.

आपल्याला हवी असणारी माहिती पटकन मिळावी यासाठी ‘क्रीओ.कॉम’ने वेब २.० या तंत्रज्ञानाला कलेक्टिव्ह इंटेलिजन्सची जोड देत सर्चमधील हा दोष दूर करण्याचा प्रयत्न केला आहे.

क्रीओचं स्वरूप सध्या जरी विकिपिडियासारखं वाटत असलं तरी इंटरनेटवरील हा नवा प्रयोग किती यशस्वी होतो हे जाणून घेण्यासाठी थोडी वाट पाहावी लागेल. संकेतस्थळावर वाचकांकडूनच विविध विषयांवर माहिती मागवली जात आहे.

इंटरनेटवरील या नव्या प्रयोगाविषयी अधिक माहिती जाणून घेण्यासाठी Kreeo.com वर लॉगऑन करा.

मातृभाषा ऑनलाइन

इंटरनेटच्या विश्वात दिवसेंदिवस नवनवीन गोष्टींची भरच पडत असते. गेल्या काही दिवसांत मात्र इंटरनेटच्या विश्वात आलेल्या नव्या गोष्टींनी सा-या नेटकरांचं लक्ष वेधलं आहे. यामध्ये सर्वाधिक चर्चा झाली ती गुगलच्या ‘बझ’ची. बझबरोबरच नेटविश्वात मोलाची भर घातलेल्या अन्य अ‍ॅप्लिकेशन आणि वेबसाइटची माहिती आज स्मार्ट क्लिकमध्ये करून घेऊ या.

दर चार कोसावर भाषा बदलते. त्यामुळे जितकी लोकसंख्या तितक्या भाषा निर्माण झाल्या आहेत. म्हणूनच अन्य भाषेतील व्यक्तीशी संवाद साधताना इंग्रजीचा वापर करावा लागतो. पण प्रत्येकालाच इंग्रजी जमतंच असं नाही. अशा वेळी समोरच्या माणसाशी कसा संपर्क साधायचा, असा प्रश्न निर्माण होतो. मात्र गुगल इंडियाने हा प्रश्न सोडवला आहे. आपल्या मातृभाषेतच तुम्ही समोरच्या व्यक्तीशी संपर्क साधू शकता. वाचून आश्चर्य वाटलं असेल ना? पण Google Transliteration IMEच्या वापराने केवळ मातृभाषेतच नव्हे तर अन्य १३ भारतीय भाषांमध्येही लिहिण्याची सोय गुगल इंडियाने उपलब्ध करून दिली आहे. भारतीय नेटकरांसाठी ही एक पर्वणीच ठरणार आहे.

Transliteration IME हे सॉफ्टवेअर आहे. ते एकदा तुम्ही तुमच्या संगणकावर डाऊनलोड करून घेतलं की तुम्ही १३ भारतीय भाषांमध्ये हवा तो मजकूर पाठवू शकता. सॉफ्टवेअर डाऊनलोड करताना प्रथम भाषेची निवड करावी लागते. म्हणजेच ज्या भाषेत तुम्हाला लिहायचं आहे ती भाषा तुम्हाला निवडावी लागते. एकदा का हे सॉफ्टवेअर डाऊनलोड केलं की मग हवा तो मजकूर अरबी, बंगाली, पारसी, ग्रीक, गुजराती, हिंदी, कन्नड, मल्याळम, मराठी, नेपाळी, पंजाबी, तामिळ, तेलुगू, उर्दू आदी भाषांमध्ये लिहू शकता. सगळ्यात महत्त्चाचं म्हणजे याचा वापर ‘जी-मेल’, ‘ऑर्कुट’ या ब्लॉगमध्येही सहज करता येणार आहे. सॉफ्टवेअर कसं डाऊनलोड करावं या विषयीची माहिती छायाचित्रासह दिली आहे.

http://www.google.com/ime/transliteration या लिंकवर क्लिक करून तुम्ही Transliteration डाऊनलोड करू शकता.

याचा उपयोग केवळ विद्यार्थ्यांनाच नव्हे तर शिक्षकांबरोबरच उद्योजकांनाही होणार आहे. विशेष म्हणजे यासाठी कोणत्याही प्रकारच्या नोंदणीची गरज नाही. तसेच ही सुविधा ऑफलाइनदेखील उपलब्ध असल्यामुळे इंटरनेट कनेक्टिव्हिटीचंही बंधन नाही. गुगलच्या या सेवेमध्ये उपलब्ध असलेले फॉन्ट्स युनिकोड असल्यामुळे ज्या भाषेत मजकूर लिहायचा आहे त्या आणि ज्या भाषेत तो बदलणार आहे ती भाषा न दिसण्याची अडचणही निर्माण होणार नाही.

लव्ह ऑन नेट

व्हॅलेंटाइन्स डे साजरा करण्यासाठी नेटवरील काही संकेतस्थळे...

व्हॅलेंटाइन्स डेच्या दिवशी तुम्ही तरुणांनी इंटरनेटच्या मायाजालात प्रवेश केला नाही तर नवलच! स्वत:च्या भावना व्यक्त करण्यासाठी कोणी भेटवस्तूंचा आधार घेतं, तर कोणी ग्रिटिंग्जचा नाही तर एसएमएस आधार घेतातच. दूरदेशी गेलेल्यांना मात्र इंटरनेटशिवाय पर्यायच नसतो.

इंटरनेटचा सर्वात जास्त वापर करणा-या तरुणांसाठी व्हॅलेंटाइन्स डे साजरा करण्यासाठी अनेक संकेतस्थळं सज्ज झाली आहेत. ही संकेतस्थळं तुम्हाला नक्कीच मदत करतील. यातील काही संकेतस्थळांवर प्रिय व्यक्तीला देण्यासाठी एखादी भेटही मिळेल. आपल्या व्हॅलेंटाइनला काय भेट द्यायची? असा प्रश्न पडला असेल तर त्याचं उत्तरही या संकेतस्थळांवर तुम्हाला मिळेल.

तुमच्या व्हॅलेंटाइनला भेट पाठवण्यासाठी काही उपयुक्त संकेतस्थळं

www.mydearvalentine.com
www.indiawithlove.com
www.valentines-corner.com
www.poemsource.com/valentine-poems.html
www.valentinesdaymovie.com
www.valentineday.in
www.stvalentinesday.org
www.valentinedaygift.co.in
www.valentinedayecards.com
www.valentinedayflowers.org
www.valentine-card.com

व्हॅलेंटाइन्स डेला मराठीतून एसएमएस पाठवण्यासाठी ही लिंक उपयुक्त आहे.

http://www.smsdose.com/Marathi_SMS_1.htm

माहितीचा खजिना

www.nationmaster.com या संकेतस्थळावर जगातील प्रत्येक देशाची इत्थंभूत माहिती उपलब्ध आहे. संकेतस्थळावर उपलब्ध केलेली माहिती सीआयए वर्ल्ड फॅक्टबुक, संयुक्त राष्ट्र, जागतिक आरोग्य संघटना, जागतिक बँक अशा विविध क्षेत्रांमधल्या जागतिक पातळीवर काम करणा-या संस्थेकडून देण्यात आली आहे.

इंटरनेटच्या पसा-यात ‘गुगल’सारख्या सर्च इंजिनमुळे कोणत्याही स्वरूपाच्या माहितीचा शोध घेणं अतिशय सोपं झालं आहे. शालेय विद्यार्थ्यांपासून उच्चशिक्षण घेणा-या विद्यार्थ्यांपर्यंत सर्व जण अनेक गोष्टींची माहिती मिळवण्यासाठी इंटरनेटवरील अनेक संकेतस्थळांना भेटी देत असतात. कोणत्याही विषयाच्या भूत आणि वर्तमानासंदर्भातील आकडेवारी मिळण्यासाठी Wikipediaया संकेतस्थळाचा सर्रास वापर केला जातो, हे तर आपल्याला माहीतच आहे. या Wikipedia सोबत माहिती आणि आकडेवारीबरोबरच अनेक अर्थानी मिळतं-जुळतं घेणारं संकेतस्थळ म्हणजे- www.nationmaster.com होय.

या संकेतस्थळावर जगातील प्रत्येक देशाची इत्थंभूत माहिती उपलब्ध आहे. संकेतस्थळावर उपलब्ध केलेली माहिती सीआयए वर्ल्ड फॅक्टबुक, संयुक्त राष्ट्र, जागतिक आरोग्य संघटना, जागतिक बँक अशा विविध क्षेत्रांमधल्या जागतिक पातळीवर काम करणा-या संस्थेकडून देण्यात आली आहे. त्यामुळे अन्य संकेतस्थळांवरची माहिती वाचताना त्या माहितीच्या सत्यतेविषयी जशी शंका निर्माण होते तशी शंका या ठिकाणी निर्माण होत नाही. कारण प्रत्येक माहितीखाली त्या माहितीचा स्रोत दिलेला आहे. म्हणजे त्या माहितीवर किती विश्वास ठेवावा हे आपण ठरवू शकतो. या संकेतस्थळावर जवळजवळ जगातील सर्वच देशांची माहिती त्यांच्या नकाशासह अनेक प्रकारांमध्ये उपलब्ध आहे. सोबत प्रत्येक देशाचे राष्ट्रध्वजही दिले आहेत. यावरील Education, forumsहा विभाग आवर्जून भेट देण्यासारखाच आहे. इतकंच नव्हे तर Encyclopedia या ऑप्शनमध्ये तुम्ही स्वत:कडील, तुम्हाला ज्ञात असलेली माहितीही पाठवू शकता. अशा रीतीने अनेक विषयांची, संदर्भाची, अहवाल तसेच लेख याविषयी इतरांनी दिलेली माहिती या संकेतस्थळावर वाचायला मिळते. म्हणूनच अभ्यासपूर्ण संशोधन करणाऱ्या तसेच स्पर्धा परीक्षेची तयारी करणा-या विद्यार्थ्यांबरोबरच स्वत:ला अपडेट ठेवणा-या नेटप्रेमींसाठी हे संकेतस्थळ निश्चितच उपयोगी आहे. तेव्हा या संकेतस्थळाची सफर नक्कीच करा.

वी कॅन नॉट लिव्ह विदाऊट

इंटरनेटचा वापर करणारे सर्व जण काही विशिष्ट संकेतस्थळांना नियमित भेट देतात. अनेक वर्ष ही संकेतस्थळं ‘फेव्हरिट’ लिस्टमध्ये विराजमान असतात. अशाच संकेतस्थळांची यादी ‘टाइम’ मासिकाने नुकतीच ‘वी कॅन नॉट लिव्ह विदाउट’ या नावाने प्रसिद्ध केली आहे.

इंटरनेटचा वापर करणारे सर्व जण काही विशिष्ट संकेतस्थळांना नियमित भेट देतात. अनेक वर्ष ही संकेतस्थळं ‘फेव्हरिट’ लिस्टमध्ये विराजमान असतात. अशाच संकेतस्थळांची यादी ‘टाइम’ मासिकाने नुकतीच ‘वी कॅन नॉट लिव्ह विदाउट’ या नावाने प्रसिद्ध केली आहे. मात्र त्यातील काही संकेतस्थळांचे संदर्भ अमेरिकेशी निगडित असले तरी त्यातील काही संकेतस्थळं आपल्या चांगल्याच उपयोगाची आहेत. त्यांची यादी खाली दिली आहेच पण त्याचबरोबर भारतातील नेटवेडय़ामध्ये बुकमार्क असणा-या संकेतस्थळांची यादीही सोबत दिली आहे. जी ‘कॅन नॉट लिव्ह विदाउट..’ अशीच आहेत.

टाइम मासिकाची यादी

www.amazon.com

www.bbc.co.uk

www.citysearch.com

www.sfbay.craigslist.org

www.del.icio.us

www.digg.com

www.ebay.com

www.espn.go.com

www.facebook.com

www.factcheck.org

www.flickr.com

www.google.com

www.howstuffworks.com

www.imdb.com

www.youtube.com

www.kayak.com

www.nationalgeographic.com

www.netflix.com

www.technorati.com

www.22.tmz.com

www.usa.gov

www.televisionwithoutpity.com

www.webmd.com

www.wikipedia.org

www.yahoo.com

भारतातील बुकमार्क संकेतस्थळं

www.google.co.in

www.yahoo.com

www.facebook.com

www.orkut.co.in

www.blogger.com

www.youtube.com

www.rediff.com

www.wikipedia.org

www.orkut.com

www.twitter.com

www.indiatimes.com

www.linkedin.com

www.live.com

www.wordpress.com

www.cricinfo.com

www.msn.com

www.in.com

www.1e100.net

www.microsoft.com

www.rapidshare.com

www.admagnet.net

www.irctc.co.in

www.naukri.com

www.clicksor.com