फिफा विश्वचषक स्पर्धेचा फिवर आता उपांत्यपूर्व फेरीपर्यंत पोहोचला आहे. त्यामुळेच प्रत्येक सामना हा महत्त्वाचा आहे. हे सामने तुम्ही लाइव्ह पाहण्याची सोय गुगलने केली आहे. गुगलच्या क्रोम ब्राऊझरमध्ये तुम्ही फिफा विश्वचषकाशी संबंधित सर्व अपडेट मिळवू शकता. क्रोम ब्राऊझरच्या Extension मधून तुम्ही FIFA.com Chrome Extension करून घेऊ शकता. यामध्ये तुम्ही फिफा विश्वचषकातील प्रत्येक सामन्याचे अपडेट मिळवू शकता. तसेच लाइव्ह सामना पाहू शकता.
इंटरनेटवरील कोणत्याही माहितीसाठी प्रत्येक जण गुगलची धाव घेतो. त्यात आजकाल प्रत्येकाचा स्वत:चं होमपेज करण्याकडे कल असतो. हे ओळखूनच गुगलने युझरसाठी होमपेज तयार करायची सोय केली आहे.
गुगल होमपेज ओपन केल्यावर पांढ-या background वर नेहमी पाच वेगवेगळ्या रंगात दिसणारं गुगल ही इंग्रजीमधील अक्षरं किंवा अधूनमधून गुगलकडून तयार केले जाणारे लोगो याशिवाय कोणालाही कोणताही बदल करता येत नाहीत. आत्ता मात्र गुगलच्या होमपेजवर तुमच्या आवडत्या फोटोला जागा मिळणार आहे. गुगलने त्यांच्या युझरसाठी तशी सोय केली आहे. गुगलच्या होमपेजच्या background वर आपल्याला हवा असलेला कोणताही फोटो लावता येणार आहे. म्हणजे तुमच्या कॉम्प्युटरवर तुमचा आवडीचा फोटो बघायला मिळणार आहे. मात्र यासाठी तुमचं जी-मेल अकाऊंट असणं गरजेचं आहे. कारण ही सोय तुमचं जी-मेल अकाऊंट सुरू असेल तोपर्यंतच असते. एकदा का तुम्ही लॉग आऊट झालात की पुन्हा गुगलचं जुनं होमपेज दिसेल.
गुगलच्या भारतीय (www.google.co.in) होमपेजच्या डाव्या बाजूच्या खालच्या कोप-यात Sign in to see your background image javascript:void(0) असा पर्याय दिसेल. या ठिकाणी जी-मेल आयडीने लॉग इन केल्यानंतर Change background image हा पर्याय दिसेल. त्यावर क्लिक करून गुगलच्या होमपेजसाठी Picasa web photos, Public gallery, Editor’s picks अथवा तुमच्या संगणकातील हवा तो फोटो तुम्ही निवडू शकता.
गुगलप्रमाणेच होमपेजवर आपल्याला हवा असलेला फोटो आणि स्वत:चं नाव लिहिण्याची सोय इतरही काही वेबसाइटनी दिली आहे. मात्र त्यासाठी संबंधी वेबसाइट तुमच्या संगणकावर Set as homepage म्हणून सेव्ह करावी लागते. www.shinysearch.com, www.sleeksearch.com, www.blingmysearch.com या वेबसाइट्सवरून तुम्ही वेगवेगळे वॉलपेपर होमपेज म्हणून निवडू शकता. त्याचप्रमाणे गुगलच्या लोगोऐवजी स्वत:चं नावही लिहू शकता. मात्र या वेबसाइटवरून सर्च केल्यानंतर ओपन होणारी विंडो लहान आकारात दिसते.
दक्षिण आफ्रिकेत सुरू असलेल्या फिफा विश्वचषक स्पर्धेसाठी इंटरनेटवर अनेक वेबसाइट्सनी स्वतंत्र वेबपेज तयार केलं आहे. या फुटबॉल फिवरमध्ये ट्विटरही सहभागी झालं आहे. फिफा विश्वचषक स्पर्धेचे निकाल आणि प्रत्येक संघाचं एक स्वतंत्र पेज तयार केलं आहे. स्पर्धेतील 32 संघांच्या सामन्याचं वेळापत्रक आणि त्याचे निकाल या पेजवर देण्यात आले आहेत.
विश्वचषकाशी संबंधित ट्विटही या ठिकाणी पाहायला मिळतात. स्पर्धेतील सहभागी संघावर क्लिक केल्यावर त्या संघाचे सामने आणि जगभरातील लोकांनी त्यावर केलेले ट्विट्सही या ठिकाणी मिळतात.
फिफा विश्वचषकासंदर्भात ट्विटरने प्रत्येक संघासाठी काही संक्षिप्त रूप तयार केलं आहे. या संक्षिप्त रूपाचा वापर करताना आधी # चा वापर करावा लागतो. या संक्षिप्त रूपाचा वापर करून ट्विट्स केल्यास तुमचे ट्विट्स या पेजवर दिसतात. प्रत्येक संघासाठीचं संक्षिप्त रूप पुढीलप्रमाणे आहे :
मेल पाठवणं हे फक्त आता ऑफिसच्या कामाचा भाग राहिला नसून मित्र-मैत्रिणी, जवळचे नातेवाईक यांच्याशीही मेलद्वारे संपर्क ठेवला जातो. त्यामुळेच काही मेल वैयक्तिक तर काही ऑफिसच्या कामाचा भाग म्हणून पाठवले जातात. तुमच्याकडून पाठवल्या जाणा-या मेलच्या सुरुवातीला आणि शेवटी काही ठरावीक मजकूर नेहमी लिहिला जातो (साध्या पत्रांमध्ये याला ‘मायना’ म्हणायचं.) उदा.- तुम्ही वैयक्तिक मेल पाठवत असाल तर ‘रिगार्डस’ वा ‘लव्ह’ आणि तुमचं नाव लिहिता. हा ठरावीक मजकूर नेहमी लिहावा लागू नये, म्हणून एकच ‘सिग्नेचर’ मजकूर ईमेलमध्ये ठेवण्याची सोय यापूर्वी होती. पण जीमेलने तुम्हाला असा मायनावजा ठरावीकच काय, पण अनेक ठिकाणी वापरता येण्याजोगे अनेक निरनिराळे मजकूर साठवून ठेवण्याची सोय दिली आहे. ‘कँड फूड’ जसं आपण केव्हाही वापरू शकतो, तसे हे ‘कँड रिस्पॉन्सेस’! जीमेलमध्ये ही सेवा सुरू करण्यासाठी जीमेलच्या Settings मधील Canned Responses आणि Inserting Images (इन्सर्ट इमेज) हे दोन पर्याय enable करा. Settings मधून बाहेर पडताना बदल सेव्ह करण्यास विसरू नका. त्यानंतर Compose Mail मध्ये मेल लिहिण्याच्या वरच्या बाजूला नेहमी दिसणा-या पर्यायांसोबत insert an image हा पर्याय दिसेल तर Attach a file याच्या बाजूला Canned Responses या पर्याय दिसेल. मेलच्या शेवटी तुम्हाला जो मजकूर लिहायचा आहे. तो लिहा. त्यानंतर insert an image मधून तुमच्या ट्वीटर, फेसबुक आणि अन्य सोशल नेवर्किंग साइटचे लोगो insert करा. हा लोगो गुगल इमेजमधून तुम्ही मिळवू शकता. हे लोगो सर्च करताना 16px या आकाराचे लोगो सर्च करा. उदा.- तुम्ही ट्वीटरचा लोगो सर्च करत असला तर गुगल इमेज सर्चमध्ये Twitter16px असा सर्च द्या. कारण या आकाराचे लोगो मेल पाठवताना योग्य दिसतात. image insert केल्यानंतर त्याला Select करून Link पर्यायावर क्लिक करा. या ठिकाणी तुम्ही तुमच्या ट्वीटरचा किंवा अन्य सोशल नेटवर्किंग साइटवरच्या प्रोफाइलचा URL कॉपी करून ओके बटनावर क्लिक करा. यामुळे तुम्ही ज्यांना मेल पाठवणार आहात ते मेल वाचण्याबरोबरच तुमच्या सोशल नेटवर्किंग साइटच्या प्रोफाइलला भेट देऊ शकतील.
यानंतर तो मेल तुम्हाला ज्यांना पाठवायचा आहे, त्या व्यक्तीला मेल करा. यापुढे तुम्ही कोणताही मेल पाठवताना, मेलचा मजकूर लिहून Canned Responses मध्ये तुम्ही सेव्ह केलेल्या Personal किंवा official किंवा अन्य Responses insert करा. तुम्ही निश्चित केलेला मजकूर मेलच्या शेवटी दिसू लागेल. Canned Responses मध्ये तुम्ही हवे ते Response तयार करू शकता. ते नको असतील तरी delete ही करू शकता.
माक्रोब्लॉगिंग प्रकारातल्या वेबसाइटमध्ये सर्वाधिक लोकप्रिय असणा-या ट्वीटरने आणखी काही मोठे पल्ले गाठले आहेत. ट्वीटरवरील जगभरातील सदस्यांनी एका महिन्यात दोन अब्ज ट्वीट्स पाठविले आहेत. ट्वीटरवर दररोज 65 कोटी ट्वीट्स पाठविले जातात. गेल्या महिन्यात ट्वीटरवरनं 15 अब्ज ट्वीट्स पाठविले गेले होते. तसंच ट्वीटर दररोज एक लाख 35 हजार नवे सभासद होत असल्याची माहिती ट्वीटरचे मुख्य कार्यकारी अधिकारी डिक कोस्टालो यांनी सांगितली. मात्र यापैकी किती सभासद वैयक्तिक कारणासाठी आणि किती जण व्यवसायिक कारणासाठी ट्वीटरचा वापर करतात याची माहिती कळू शकली नाही. तीन महिन्यांपूर्वी दहा हजार ट्वीट्सचा पल्ला गाठणा-या ट्वीटरने गेल्या महिन्यात 15 अब्ज ट्वीट्सचा पल्ला गाठला होता.
फेसबुकने केल्या काही दिवसांत आपल्या नियमांमध्ये बदल केले आहेत. या बदलत्या नियमांमुळे फेसबुक वापरणा-यांनी नाराजी व्यक्त केली आहे. फेसबुक वापरणा-या व्यक्तीचा प्रोफाईल कोणतीही व्यक्ती लॉगइन न करताच पाहू शकते. या नियमावरून अनेक फेसबुक वापरणा-यानी नाराजी व्यक्त केल्यानंतर फेसबुकला हा निर्णय मागे घ्यावा लागला.
+copy.jpg)
काही दिवसांपूर्वी ‘गुगल टीव्ही’ची घोषणा करण्यात आली होती. गुगलचा हा टीव्ही भारतीय बाजारपेठेत येण्यासाठी अजून बराच कालावधी आहे; पण इंटरनेट वापरताना गुगल क्रोम ब्राउझरच्या मदतीने तुम्ही विविध देशांतील वाहिन्याही पाहू शकता.
क्रोम ब्राऊझरवरून www.tv-chrome.com ही वेबसाईट ओपन करा. या वेबसाइटवर get TV-chrome या पर्यायावर क्लिक करून लाइव्ह टीव्ही पाहण्यासाठीचा प्रोग्राम डाऊनलोड करून घेतल्यानंतर, तुमच्या क्रोम ब्राऊझरच्या उजव्या बाजूला टीव्हीचा लोगो दिसेल. यावर क्लिक केल्यास देश आणि विषयानुसार वाहिन्यांची यादी दिसेल. ज्या देशातील वाहिनी पाहायची आहे. त्यावर क्लिक करून ती वाहिनी पाहू शकता. उदा- भारताची निवड केल्यास भारतातील 29 वाहिन्या दिसतील.
भारतातील ‘स्टार’च्या जवळजवळ सर्व वाहिन्या क्रोमवर तुम्ही पाहू शकता. मराठीमधील ‘आयबीएन लोकमत’ ही वृत्तवाहिनी क्रोमवर उपलब्ध आहे.
जगभरातील 115 देशातील तब्बल 2 हजार 780 लाइव्ह वाहिन्या क्रोमवर पाहू शकता. अर्थात हे सर्व मोफत आहे.
विशेष म्हणजे, क्रोमवर वाहिन्याचं प्रसारण होण्यास कमी वेळ लागतो. त्याचबरोबर प्रत्यक्षात टीव्हीवर दिसणारी वाहिनी आणि क्रोमवर दिसणारी वाहिनी यामध्ये तीस सेकंद ते एक मिनीट इतकाच फरक असतो.
टीव्ही क्रोम वेबसाइटवर तुम्हाला अन्य टीव्ही टूलबारही उपलब्ध आहेत. तुमच्या आवश्यकतेनुसार तुम्ही ते डाऊनलोड करू शकता.
इंटरनेटवर क्रोम टीव्हीचा शोध घेताना www.chromeonlinetv.com ही आणखी एक वेबसाइट सापडली. याचं स्वरूप tv-chrome.com सारखंच असलं तरी टीव्ही क्रोमप्रमाणे या वेबसाइटवर टीव्हीसोबत विषयानुसार संबंधित विषयातील व्हिडिओ पाहायला मिळतात. chromeonlinetv.com वर तुम्ही संबंधित वाहिनीवर क्लिक केल्यास थेट त्या वाहिनीच्या वेबसाइटवर जाता येतं.
क्रोम टीव्हीवरील वाहिन्या अन्य ब्राउझरवरही पाहता येतात. Internet Explorer, Firefox, Safari या ब्राउझरवर वाहिन्या पाहण्यासाठीच्या लिंक्स पुढीलप्रमाणे आहेत. Internet Explorer साठीची लिंक http://www.tvtoolbar.org, Firefox साठी https://addons.mozilla.org/en-US/firefox/addon/150953 ही लिंक, तर Safari साठी http://safariaddons.com/en-US/safari/addon/64 या लिंकवरून तुम्ही प्रोग्रॉम डाऊनलोड करू शकता.या सर्व वाहिन्या पाहण्यासाठी तुमच्या संगणकावर अद्ययावत Flash Player असणं आवश्यक आहे.
सोशल नेटवर्किंग वेबसाइट ‘फेसबुक’ने एप्रिल महिन्यात जगभरात सर्वात मोस्ट व्हिजिटेड वेबसाइट होण्याचा मान पटकावला आहे. गुगलने प्रसिद्ध केलेल्या जगभरातील एक हजार वेबसाइटच्या यादीमध्ये फेसबुकने अव्वल क्रमांक पटकावला आहे.
एप्रिल महिन्यात फेसबुकला 540 मिलियन युनिक व्हिजिटर्सनी भेट दिली आहे. जगभरात इंटरनेट वापरणा-यांपैकी तब्बल 35.20 टक्के लोकांपर्यंत फेसबुक पोहोचल्याचं गुगलने म्हटलं आहे. एप्रिल महिन्यात फेसबुकला 570 बिलियन पेज व्ह्यूज मिळाले आहेत. इंटरनेटवरील अन्य सोशल नेटवर्किंग वेबसाइट असलेल्या आर्कुट, ट्विटर, मायस्पेस यांना फेसबुकने मागे टाकलं आहे.
गुगलने ही यादी प्रसिद्ध करताना त्यात अश्लील वेबसाईट्सचा समावेश केलेला नाही.
फेसबुकनंतर Yahoo दुसरा क्रमांक पटकावला आहे. तर live.comने तिसरा क्रमांक पटकावला आहे. चौथा क्रमांक wikipedia.org ने पटकावला आहे. तर पाचवा क्रमांक msn.com चा आहे. या टॉप टेन यादीमधील Wikipediaआणि Mozillaया दोन वेबसाईट स्वत:च्या साइटवर जाहिराती घेत नाहीत.
ब्लॉग प्रकारांतील Blogspot ने या यादीत सातवा क्रमांक पटकावला आहे. तर WordPress.com चं बारावं स्थान पटकावलं आहे.
भारतात इंटरनेट वापरणा-यांमध्ये लोकप्रिय असलेल्या आर्कुटचा या यादीत 45वा क्रमांक आहे. अन्य काही महत्त्वाच्या वेबसाइट्सचं या यादीमधील स्थान पुढीलप्रमाणे आहे : Microsoft (6वं), Twitter (18 वं), Amazon (22वं), eBay (24वं), myspace (26वं), Apple (27वं), Hotmail (30वं), Linkedin (56वं). वृत्तवाहिन्यामध्ये Cnet.com ने 35 वं पटकावलं आहे. तर BBC.co.uk (43वं), CNN ने 64वं तर NYTimes.com ने 83 वं स्थान मिळवलं आहे. गुगलच्या या यादीचा उपयोग जाहिरातदारांना होणार आहे. या यादीद्वारे कोणत्या वेबसाइटवर जाहिरात द्यायची हे ठरवणं सोपं जाणारंय.
गुगलने या यादीमध्ये स्वत:च्या जी-मेल, गुगल न्यूज, गुगल सर्च, गुगल बझ आणि यू टय़ूब या वेबसाईटचा क्रमांक दिलेला नाही.
Posts
All Comments
© Blogger template 'A Click Apart' by Ourblogtemplates.com 2008
Back to TOP
